فاكر لم كنا بٌنقول تحيا مصر وبنحي العلم واحنا صغيرين ولم كنا بنقرأ في دراسات مصر بلد الأمن والأمان وطمأنينة  .كان كلام وهم لبداية تنشئة جيل متخلف لم كان في حصة

معاه مطوه أرن غزال ولم هيتشاكل في حوش تحت

وهيرفعها ولا شلة الهتروح تشرب سجاير في حمام

لبداية من ضياع جيل بكامل لم كان لسا صغير وبيشوف

الدفعات الكبر منه ويسمع ان واحده اسمها كذا ومش محترمه

ومن حق اي حد يقول عليها كلام وحش عشان هيا شمال

وهو مشفش حاجه كان بداية الضياع ان هيحاول المره الجاية هينط من علي السور عشان معملش الواجب في حصة

عربي ومستر ضربه 10 عصيان لإعتقاد مستر إن ده جزء

ومن حقه يضرب اي حد يغلط ويعقابه لأنه أب مربي ومدرس

وممكن يجهل يعني إيه تربية او كان شايل مواد تربوي فكليته

او حفظها ومش فهمها لبداية من عنف وإن لو حد ضربك أو غلط  فيك لازم تروح تاخد حقك منه  وحقك بتاخده ازاي باخده بدراعي لا انا ابويا قالي اليعورك عوره وانا هخيطه

واحده واحده بقا  بيشرب سجاير في عمر اقل من 18 سنه بقا بيشتال سلاح ابيض بقا مبيروحش المدرسة لمجرد احساسه انه بقا شبح وبلطجي وهيروح يقعد علي قهوة عشان يقابل ناس من نفس الفئة مع  نزول افلام محمد رمضان لجيل ده هيا الشجعت الفكرة اكتر وبقا شيئ طبيعي جداً انك تشوف حد خارج عن قانون .وبداية شعارات وصراعات حزبية وثورات ومغيرتش اي حاجه لأحسن بالعكس  كل حاجه اذادت سوء جداً الثورة الكنا بنقول فيها  عيش حرية عدالة اجتماعية، معتقدش إن كان 30 مليون مع إختلاف فئة العمرية يفهم معنها كويس اوي .وكنا بنطالب بيها

عشان كنا عايزين تغير وبس لاكن قلة وعي ولإدراك ولأحداث حصلت البعدها دليل ان نفس الجيل القبله تلاشه عن اللفهم ولإدراك والوعي ناس المن 10 سنين الي 20 سنه

ومن 20 ال40 ومن 40 ل 60 اختلاف الثقافة والوعي السياسي  سبب ان منعرفش ايه الجاي وايه الرايح

بس العرفه ان جيلي  في تلاشي وضياع فكرة الأخلاق وقوانين والدولة وحقوق الإنسان يكاد 60% او اكثر

يفهما احنا في ضياع وناس بتموت كل يوم بسبب البلطجة

والجهل وبسبب ان في فئة أرستقراطية فئة واحده بس هيا البتشعر بلأمن والإستقرار ومصر بلد الأمن ولأمان كان ممكن يقوللنا زمان واحنا صغيرين ومكناش مدريكين كان الفئة دي موجوده بس مكناش حاسين فاكر وفهمت بعدها بكام سنه

لم كنت بقول "حسني مبارك ملك الشعب امه جبتله جزمه بكعب ............" وكنت امي تقولي اوعه تقولها قدام حد

ومكنتش اعرف ليه انا حافظ كلام زي ده لمجرد السخرية ونقلها انا واصحابي ونقعد نضحك  كانت كل حاجه ليها معنى

وسبب والفهمته من ١٩ سنه الفاته بعتقادي الكامل

اذ كان من حقك تعيش في وطن ده فهو حقك ناضل من اجله

بس ممكن الوطن يبقا قاتل في يوم .الوطن الأمن والأمان هتموت فيه لمجرد ان دم بقا رخيص لمجرد ان فيه ناس خارجه عن القانون والإنسانية

عجبتني انا جمل دي جداً في مبادئ الأساسية في دستور المصري

(سيادة القانون أساس الحكم في الدولة وتخضع السلطات العامة والأشخاص

الاعتبارية العامة والخاصة والمواطنون كافةً لقانون دون اي تفرقة واستقلال السلطة القضائية وكفالة حق التقاضي ضمانتان أساسيتان لمبدأ خضوع الدولة

ومؤسسايها للقانون وتحقيق العدالة للمواطنون كافة)

كلام علي ورق وحافظينه زي الكلام النت هتحفظه وهتخش تكتبه في امتحان عشان تنجح وخلاص