هو انا لو قلتلك نصيحة هتمشي بيها ولا هتكبر زي كل الناس اللي بقابلها وهل هتتقبلها مني :
- انت حيلتك دلوقتي في شبابك وقت + مجموعة احلام أو اهداف ، فلو الوقت اللي بيعدي ده كل النتيجة اللي بتلاقيها اخر اليوم : 0 فاشتغل اي شغل يكون قريب من دماغك يعني ما يكونش بيجيب الضغط .
2 تاكد أن الشغل ابو 1500 بوابة للشغل ابو 3000 يمكن من المكان اللي انت فيه أو حواليك أو العلاقات اللي هتعملها أو الأشخاص اللي هتتعامل معاهم ، انت سعيت بالحلال ونيتك كانت خير ف بالتالي هتلاقي سبحان الله ابواب جديدة انفتحت .
3 اقرا ، وحوار اقرا ده مش بقلهولك بالشكل الساذج بتاع هيبتا والفيل الازرق ، لا يا معلم اقرا حاجة تكسب فلوس ،ايه هي ، الله اعلم ، لكن لازم تقرأ لان مافيش بني ادم كسب فلوس الا لما كان بيقرا من الاخر . والكتب موجودة pdf والمقالات اكثر من البني ادمين .
4 الخبرة ثم الخبرة ، لو عاوز تعرف الخبرة دي بتكسب قد ايه فلوس ، فهي عاملة زي الاعمى وفجأة فتح ، عارف القوة دي ، فاي خبرة بتكسبها النهاردة بالوقت اللي كنت بتهدره بتديك فلوس مستقبلا .
5 دور ع شغل ليه علاقة بالمبيعات والناس ، لان المرتب الصغير مع الحاجتين دول هيخليك تفكر ف حاجة عظيمة اسمها ريادة الأعمال وريادة الأعمال هتخليك معاك فلوس لدرجة أنك هتبقى بتشغل ناس كثير بمرتبات تبدا من 3000 جنيه مش 1500 وربنا يفتحها علينا جميعا .